Social Media ng Modernong Kabataan

Lores, Erica Apteen

Sa bawat henerasyon may iba’t-ibang uri nang teklohiya ang nailalabas. Ngunit anon ga ba ang dulot nang napakabagong teknolohiya ngayon, may pagkakaiba ba ito noon at ngayon? Laganap na ang makabagong teknolohiya ngayon at bawat isa ay gumagamit nang social media.Sa bawat henerasyon ng makabagong teknolohiya ay marami ang magandang naidudulot nito sa ating buhay sa pang-araw-araw. Hindi maitatanggi na ang mga social media o teknohiya ay isa sa naging produkto ng makabagong panahon, bahagi na rin sa buhay nang bawat isa, at kasabay nito ang pagusbong at paglago ng modernong kabataan .

Ang social media ay isang daan upang makipagkaibigan o makahanap ng  isang tao kahit hindi mo nakikita o kahit di kayo pareho nang lahi. Kahit saan man sa mundo o kahit saang bansa ka man, laging may social media. Ito ay may malaking tulong sa ating pakikipagkomunikasyon o pakikipag-usap sa mga mahal natin sa buhay na nasa malalayong lugar o di kaya’y nasa ibang bansa. Ano nalang ang buhay kung walang social media? Ano na lang ang mangyayari sa atin kung walang social media? Maraming kabataan ang natutulungan at patuloy na tinutulungan ng bagong teknolohiyang ito, tulad na lamang ng mga kabataang hindi masyadong palalabas, mga taong gustong magtipid sa entertainment, mga gustong makahanap ng sideline income (online shop), mga naghahanap ng bagong impormasyon at mga gustong magpasikat (Residentpatriot, October 7.2012).

Hindi kapani-paniwala ang bilis ng pagusbong ng impluwensya ng social media sa buhay ng mga kabataan at sa ibang tao. Pinalalakas nito ang isang aspeto ng kultura natin,  ang pagbibigay- importansiya natin sa pakikipag-ugnayan. Pinapatunayan na natin ito dati pa sa mga naging sikat na paraan ng komunikasyon gaya ng pagte-text, pakikipagtalastasan sa mga online forums at pagtatambay sa Friendster. Ngayon naman ay laman tayo ng instagram, twitter, facebook, youtube, at iba pang social media’s,kung kaya’t hindi nakapagtataka at di na nakakagulat  na napakataas ng porsyento ng mga online na pinoy sa social networks (Gabnadateblog.February 2016).

Dahil sa pagiging “trendy” ng mga social media mas lalo nitong naimpluwensyahan o nahihikayat ang nakararami tulad nalang ng mga kabataan ngayon na lubos na nahuhumaling at nalilibang dito, kaya wala na yatang kabataan ngayon ang walang account sa mga nabangit na websites o di kaya ay pamilyar dito. Ganap na sikat ang mga nabangit na websites ngunit ano nga ba ang epekto ng social media sa paguugali natin? Anon ga ba ang magandang maidudulot nito lalo na sa mga kabataan ngayon?

Ang mga katanungan na nasawalat sa inyong isipan ay aking bibigyan ng kasagutan. Ang social media at ang modernong kabataan, dahil ang mga modernong kabataan ang syang nagpausbong, nagpalago at mas lalo pang naging uso sa mga mata ng mga tao sa ating mundo. Napakalaking impluwensya ng social media sa panahong ito lalong lalo na ang facebook, instagram, at twitter, di natin maitatanggi na naging parte at bahagi na ng ating buhay ang mag-log in araw-araw dito. Isa sa mga mabuting dulot ng social media sa kabataan ngayon ang madaling paraan upang makapagpalaganap o makapagbahagi ng impormasyon at kaalaman sa iba. O mga balita na napapanahon na kung saan  interesado ang lahat na malaman, kagaya ng suspension ng klaseo di kaya’y holiday, mga balita tungkol sa showbiz na tungkol sa kanilang mga paborito at inaabangang artista at idolo,at mga babasahin na maraming mapupulot at matututunanna aral at bagong kaalaman.  Ang social media ay tulay na nagdudugtong sa atin sa kasalukuyan hanggang sa hinaharap dahil ito ang nagbabahagi ng bagong ideya o kaisipan,at kaalaman na maaaring makatulong sa karamihan sa pamamagitan ng mga impormasyong tungkol sa makabagong teknolohiya, mga balita tungkol sa mga pagbabagong makaka-impluwensya sa hinaharap at mga matutunang kaalaman at aral na makapagpapa-unlad o makapaglalago sa ating kinabukasan at sa ating bansang Sinilangan, ang Pilipinas.