Mamauag,
Shellyne
Ang kalamidad ay isang pangyayari na hindi maaaring iwasan ngunit
maaaring paghandaan. Isa itong pangyayari na kumikitil ng maraming
buhay at sumisira ng milyun-milyong halaga ng mga ari-arian na mahalaga sa
buhay ng tao.
Ang ibig sabihin ng ‘kalamidad’ ay isang sakuna na maaaring nagmula sa
natural na kondisyon ng oanahon at kalikasan tulad ng lindol, bagyo, buhawi, tsunami, landslide,pagputok ng bulkan at
mudflow. Maaari din itong gawa ng mga
tao tulad ng baha, polusyon, deforestation
at iba pa na nag-iiwan ng malaking pinsala sa ating lahat. Isa sa matinding
hinaharap na sakuna ng mga Pilipino ay bagyo. Ang bagyo ay nagdudulot sa ating
lahat ng matinding pinsala. Ang bagyo ay isang malakas na hanging kumikilos ng
paikot at matinding pag-ulan na dulot ng Hanging Habagat. Marami na ang hindi
malilimutang karanasan o sakuna ang
nangyari sa buhay ng mga Pilipino. Ang Super Bagyong Yolanda ay isa sa mga hindi makakaligtaang bagyo sa kasaysayan
ng Pilipinas dahil nagdulot ito ng malawakang pagkasira sa buong Visayas kasama
na rito ang ibang probinsya sa Luzon.
Maaari tayong maghanda bago pa man dumating ang mga sakuna. Ilan sa mga
paghahanda na maaari nating gawin ay ang mga sumusunod:
• Pag-iimbak ng maraming pagkain tulad ng mga delata, o iba pang mga
pagkain na ready to eat na.
• Pag-iimbak ng malinis na inuming tubig.
• Malinis na damit
• Powerbank para sa mga cellphone na maaari nating magamit para maging
updated sa lahat at makontak ang mga miyembro
ng pamilya at para na rin makakontak ng ambulansiya o barangay kung mayroong emergency.
• Paghahanda ng mga kandila, lampara, o flashlight kung sakaling mawalan ng kuryente.
• Mahalaga rin ang panonood ng telebisyon at pakikinig sa radyo para
maging updated sa mga pangyayari bago
pa man dumating ang kalamidad .
• Siguraduhin ding nasa loob ng bahay ang lahat bago pa man dumating ang
bagyo nang sa gayon ay maiwasan ang masaktan sa oras ng kalamidad; at
• Ang pinakamahalagang gawin sa lahat ay huwag magpanik ulang maisagawa
ang mga daoat gawin sa gitna ng kalamidad at manatiling malinaw ang isipan at
maging ligtas.
Maiiwasan ang malaking pinsala ng kalamidad kung tayo ay magiging
responsableng mamamayan ng Pilipinas. Kung tayo ay magkakaisa, maiiwasan natin
ang ganitong sakuna. Para maiwasan ang mga sakuna ay dapat isaalang- alang
natin ang mga sumusunod:
• Panatilihing malinis ang ating kapaligiran.
• Itapon natin ang ating mga kalat sa wastong tapunan at i-recycle kung kinakailangan at maaari.
• Panatilihin ding malinis ang mga daluyan ng tubig tulad ng mga kanal,
sapa, irigasyon, ilog, at iba pa para maiwasan ang Water Pollution.
• Malaking tulong rin ang pagtatanim ng mga puno upang maiwasan ang
pagbaha, maging ang pagguho ng lupa; at
• Higit sa lahat ay maging respinsableng mamamayan ng Pilipinas. Sundin
ang mga simpleng batas para mapangalagaan ang kalikasan at magkaroon ng
inisyatibo na gumawa ng mga hakbang ukol rito, kahit simple lang.
Kaya’t pangalagaan natin ang ating kalikasan sapagkat dito nanggagaling
ang ating mga pangangailangan lalo’t higit ang hangin ang ating hinihinga.
Magkaisa tayo upang mapanatili ang kalinisan sa ating kapaligiran at para na
rin magamit pa ng mga susunod na henerasyon. Ating isaalang -alang ang mga paghahanda
at paraan para mapigilan ang mga sakuna sa ating bansa.
MGA
SANGGUNIAN:
Brainly.Ph
Tl.m.wikipedia.org
WordPress.com
Comments
Post a Comment