Skip to main content

Climate Change


Balbuena, Rodesa

               Ano ang climate change? Upang mas maunawaan at maintindihan natin ang ibig sabihin nito atin munang alamin ang kahulugan o ang ibig sabihin ng salitang klima. Ang klima ay ang pangkaraniwan at at pangmatagalang kalagayan at katangian ng panahon (weather) sa isang takdang lugar o rehiyon. Nakadepende ang klima sa pagdating ng kainitan, katuyuan, kalamigan o kabasaan sa pook na pinag – uusapan. (Wikipedia)
               
                  Ang climate change ay ang pagbabago ng klima o panahon. Maaaring ito rin ay ang pagbabago sa karaniwang temperatura ng isang lugar sa isang buwan o season. Ang climate change ay dulot ng greenhouse effect na siyang nagpapainit sa mundo. Ayon sa mga eksperto, ang klima n gating mundo ay laging nagbabago. Sa kanilang pag-aaral, ang temperatura ng mundo ay tumataas ng 1 degree Farenheit sa nakalipas na 100 taon mukha man itong maliit ngunit maari itong magdulot ng malaking epekto sa pagbabago ng mundo.
               
                  Ang climate change ay sanhi ng mga sama-samang epekto ng enerhiya na nagmumula sa araw, sa pag-ikot ng mundo,, at sa init na nagmumula sa ilalim ng lupa na siyang nagpapataas ng temperatura o init sa hangin na bumabalot sa mundo. Ito rin ay sanhi ng mga gawain ng tao na nagbubunga ng pagdami at pagtaas ng carbon dioxide at ibang greenhouse gases (GHGs). Ang GHGs ay ang mga nakukulong na init ng mundo. Ang mga carbon dioxide na nanggagaling sa mga buga ng sasakyang gumagamit ng gasoline, ang pagsunog ng mga plastic at fossil fuels, pagpuputol ng mga puno na sumisipsip sa mga carbon dioxide sa hangin, at ang mga pagkabulok ng mga bagay na organic na nagbubunga ng methane isang uri ng GHGs ay ang mga dahilan din ng climate change.
              
               Maraming epekto ang climate change tulad ng patuloy na pagtaas ng temperatura o ang pag-init ng mundo, ang paghaba ng panahon ng tag-init o El Niño, ang pagdasa ng maraming bagyo at ang pagtaas ng antas o lebel ng tubig sa dagat. Maaari rin itong magdulot ng pagkasira ng mga komunidad at pangkabuhayan sa lipunan. Ang dala ng climate change na tag-tuyot, matinding init, at bagyo ay maaaring magbunga ng masamang epekto sa kalusugan ng mga tao. Ang pagtaas ng bilang ng kaso ng mga sakit na dala ng maruming tubig o pagkain tulad ng cholera, sakit na pagtatae, malaria, dengue at leptospirosis na dahilan ng mga baha na bunga ng bagyo.
             
                Maraming paraan upang malabanan ang mga epekto ng climate change tulad ng pagtatanim nga mga puno at halaman na siyang sumisipsip sa mga carbon dioxide sa hangin, magtipid sa paggamit ng kuryente at enerhiya, iwasan ang pagsusunog ng mga basura lalo na ang mga plastic at fossil fuels, gumamit ng mga Biofuels, at maging responsableng mamamayan sumuporta at maki-isa sa mga usapin sa pag-sugpo ng mga epekto ng climate change.




https://www.doh.gov.ph>climate-change
https://gabaykaalaman.com>climate-change

Comments

Post a Comment

Popular posts from this blog

Epekto ng Makabagong Teknolohiya

Lannnao, Mich Ysabel Makabagong teknolohiya sa makabagong panahon.Ang teknolohiya ay may malaking bahagi sa bawat buhay ng tao. Mapa-bata man o matanda, ay gumagamit ng mga makabagong teknolohiya. At dahil sa mga teknolohiyang ito, mas nabibigyan natin ng pansin, oras, atensyon at halaga. Ngunit masasabi ba natin na maganda ang epekto o masama ang paggamit nito? Lalo na sa mga kabataan? Nais naming magbigay impormasyon sa mga kabataang katulad namin sa mga posibleng epekto ng teknolohiya sa ating buhay.                   Ang teknolohiya ay ang pagsulong at paglapat ng mga kasangkapan, makina, kagamitan at proseso upang tumulong sa mga suliranin ng tao. Teknolohiyang masasabing pinakamalagong imbensyon sa modernisasyon. Mas nabuhay ang teknolohiya ngayong ika-21 na siglo. Dahil sa mga bagong gadyets na naimbento. Mga “high-tech” na kung tawagin. Iba’t ibang klase ng teknolohiya na mapapahanga ka talaga. Kaya’t mas nagiging makabuluhan ito sa mga tao. Ito ay napapanahon. Sa p
Post a Comment
Read more

Ano Nga Ba Ang Maaaring Epekto ng Cyber Bullying sa Isang Tao?

Mangulad, Maya Lin Marami ang epekto ng Cyber Bullying sa isang tao tulad nalamang ng "insecurities" sa sarili, pagkakababa ng "self-confidence", pagiging malungkot at "negativity" sa sarili. Ang mga ito ay dahilan ng mga pangaasar o pangungutya ng mga tao sa mga pictures o videos na pinopost ng nabubully. Sa mga konting pangaasar nagsisimula ang lahat. Hindiman natin ito sinasadya ngunit ito pa rin ay may epekto sa nabubully. Sa konting iyon, kapag iyong pinagsama-sama ay magiging malaking problema na ito. Ito ay magsisimula sa pagiging "insecure" sa sarili, sa itsura, sa kilos at galaw, at sa mga pinopost. Kapag lumaki pa ito, magreresulta na ito sa pagkababa ng self-confidence. Nahihiya na lumabas o makisalamuha sa ibang tao. Kinalaunan, puro mga negatibo lamang ang naiisip nya tungkol sa sarili nya. Minsan sa sobrang pagkalungkot at pagooverthink sa mga bagay ay naiisip na lamang ng mga nabubully na magpakamatay na lamang upang di na ma
1 comment
Read more

Kahirapan: Problema ng Bayan

Bargado, Jomariez Ang kahirapan ang isa sa mga mabibigat ng problema ng ating bansa. Madalas nating sisihin ang maling pamamalakad ng mga pinuno ng bansa, pero sila nga ba ang may kasalanan o tayong mga Pilipino na tamad? Sabi nga nila, “Katamaran ay katumbas ng kahirapan”. Sinasabi ng karamihan, kaya sila naghihirap sa kadahilanang wala silang trabaho, pero ang totoo, maraming trabahong nakalaan, mapili lang talaga ang mga Pilipino. Pero hindi rin natin sila masisisi, mas pipiliin pa nilang maupo na lang sa isang tabi at manghingi ng limos kaysa magpakapagod sa napakabigat na trabaho at kumita ng isang daang piso sa isang araw, pero sa kadahilanang ito, pinapakita lang natin na tayo ay tamad, pinakadahilan ng kahirapan. "Pangunahin Sanhi ng Kahirapan sa Pilipinas" Ang sapilitang pangingibang bayan ng mga Pilipino upang maghanap ng ikabububuhay ay naging parte na ng kultura. Ang karamihan dito ay ang mga kababaihan. Ang labis na kahirapan ito ang naging
Post a Comment
Read more