Sexual Harassment

Rumbaoa, Hanah Shaine

Naha-harass ka na ba sexually?

Pero hindi mo alam kung ano ang hakbang na dapat mong gawin.

Ayon sa isang artikulo sa http://karapatangbabae.weebly.com, ang sexual harassment ay ang sapilitang paghingi, paghiling o pag-uutos at iba pa, ng sekswal na pabor mula sa iba, ito man ay tanggapin/pagbigyan o hindi ng biktima, na nanggagaling sa employer, manager, supervisor, ahente ng employer, guro, instruktor, propesor, coach, tagapagsanay, o sinumang may kapangyarihan, impluwensiya, o moral na awtoridad sa iba sa loob ng trabaho o lugar ng pag-aaral o pagsasanay.

May iba-ibang klase ba ito?

• Physical - makikita sa paraan ng malisyosong paghawak o paghipo, overt or obvious sexual advances, at gestures na may bahid ng pambabastos
• Verbal - kasama rito ang paghingi ng sexual favors at malisyosong pananalita
• Paggamit ng mga bagay, larawan o sulat na may bahid sekswal

May batas laban sa sexual harassment. Ito ay ang R.A. 7877 Anti-sexual harassment law.

May laban ba ang mga biktima ng sexual harassment? Kanino o saan sila maaaring lumapit?

• Mayroong mga institusyon at mekanismo na nagbibigay suporta sa mga biktima ng sexual harassment.

• Sa lahat ng opisina ng pamahalaan ay may – o dapat may – Committee on Decorum and Investigation (CODI) na binubuo ng mga miyembro ng management at mga empleyado. Ito ang tumutulong upang labanan o sugpuin ang sexual at iba pang klase ng harassment sa lugar ng pagtatrabaho. Ito ay nakasaad sa R.A. 7877 o ang Anti-Sexual Harassment Act of 1995.

• Bago pa man isinabatas ang R.A. 7877, ang CSC ay nakapaglabas na ng polisiya tungkol sa sexual harassment (CSC Resolution 01-0940 signed in 2001)

Ano ang mga prosesong dapat nilang pagdaanan? Ano ang maaari nilang asahan na aksyon?

• Dadaan sila sa legal process (i.e. filing of complaint, investigation, hearing, decision, appeals)
• Maaari rin bigyan ang biktima ng tulong sa pamamagitan ng counseling, referral at iba pa.

Ang sexual harassment law ay hindi lamang proteksiyon para sa mga kababaihan kungdi para rin sa mga lalaki.

Oo, puwede ring ma-harass sexually ang mga lalaki.

Sinumang direktang magsagawa ng mga ipinagbabawal na akto, babae man o lalaki ay maaaring maparusahan sa ilalim ng batas.  Gayundin, sinumang humikayat o tumulong sa iba na isagawa ang mga nasabing akto ay maaari ring managot sa batas.
Hindi lamang lalaki kundi pati babae na may awtoridad o may nakakataas na posisyon ang maaaring manghingi ng sekswal na pabor bilang kondisyon sa pagtanggap sa trabaho ng isang aplikante o pananatili ng isang empleyado sa kanyang trabaho, o di kaya’y sa pagkakaloob ng sahod o anumang benepisyo at pribilehiyo, o kaya naman ay ang pagtanggi sa sekswal na pabor ang sanhi ng diskriminasyon sa trabaho at pagkabawas o tuluyang pagkawala ng mga oportunidad sa trabaho.

Ano ang kaparusahan sa mga taong mapapatunayang nagkasala ng sexual harassment?

Ang administrative liabilities na isasampa ay depende sa klase ng nagawang offense.

GRAVE OFFENSE
- Examples: unwanted touching of private parts, sexual assault, request for sexual favor in exchange for employment, promotion, passing grade (para sa harassment in an education or training related environment), etc.
- Penalty: Dismissal

LESS GRAVE OFFENSE
- Examples: unwanted touching (non-private parts), verbal abuse with sexual overtones
- Penalties: 1st offense – fine or suspension not less than 30 days and not exceeding six months; 2nd offense – dismissal

LIGHT OFFENSE
- Examples: stealing a look at a person’s private part or undergarments, sending sexist/smutty jokes electronic means (i.e. text, email), malicious ogling, making offensive hand or body gestures
- Penalties: 1st offense – reprimand; 2nd offense – fine or suspension not exceeding 30 days; 3rd offense – dismissal

Sinumang mapapatunayang nang-sexual­ly harassment ay maaaring maparusahan ng pagkakulong ng hindi bababa sa isang (1) buwan at hindi lalampas ng anim (6) na buwan o kaya’y multa na hindi bababa sa sampung libong (10,000) piso at di lalampas sa dalawampung-libong (20,000) piso, o di kaya’y parehong pagkakulong at multa, sa diskresyon ng korte.

Bukod pa rito ang kahihiyan at bahid sa iyong reputasyon.